Viac tl Friul

VIAC CULTUREL TL FRIUL dai 21.10.2017 – 22.10.2017 PROGRAM • N pëia vai da Urtijëi Plaza Sant Antone dala 5.30; l vën fermà dal Betania, a Soplajes, rundel Iman y dal Hotel Oswald. Danmesdì via ruvons a Udin, ulache on fat ora de se urté cun la “Societât Filologjiche Furlane”, ulache i nes cunterà velch dla mendranza furlana, de si rujeneda y si scunanza. Dopro aràn mpue de tëmp liede per jì a marënda y pudëi se cialé ju l zënter dla zità cun si bela plazes y l dom o jì a spaz sun l col dl ciastel da ulache n à n bel udëi ora sun duta la zità. Domesdì dala 16.30 ons pona na vijita meneda tl “Museo Diocesano” ulache jiron nce danterlauter a ti cialé ala galeria dl Tiepolo. Ntëur la 18.00 furnerons inant a Cividâd (Cividale) dl Friul, pitla zità da na gran storia, ulache stajeron sëuranuet y jiron a se maië na bona cëina tipica tl restaurant “Al Monastero”. • N dumënia do gusté puderàn jì a se cialé ju mpue l zënter storich y jì a spaz sun l “Puint dal Diàul” simbul dla zità. Per mesdì furneràn inant nchin a San Danêl (San Daniele). Sambën tlameràn a ciarcë l bon “parsut” y a se lascé cunté coche l vën fat. Drët nteressanta ie iló nce la Biblioteca Guarneriana, la plu vedla biblioteca publica de dut l Friul, numineda do l umanist furlan Guarnerio d'Artegna († 1466). Sun l viac de ëuta tlamerons mo a se maië na bona cëina te na ustaria tipica y n ruverà de reviers te Gherdëina ntëur la 11 da sëira. L priesc per doi dis ie de 195,00 euro per persona, per i scric ite ala ULG ie l priesc de 185,00 euro per persona y te chësc priesc iel laite: l viac cun l bus, l’entreda cun vijita meneda tl “Museo Diocesano”, l albierch cun gusté, la cëines de sada y dumënia y la degustazion-marënda tl “Prosciuttificio”. Per nfurmazions plu avisa y iscrizions (nchin ai 13 de utober) pudëis cherdé su: 0471/796870 – 3393549494 – 3388207674 o mandé na e-mail a info@ulg.it o passé diretamënter tl ufize dla Union di Ladins ntan i orares de ufize, che ie de lunesc y merdi, dala 16.00-18.00, de mierculdi, juebia y vënderdi, dala 10.00-12.00. Al mumënt dla iscrizion iel da paië ite 100,00 prum. L nes fajëssa legrëza sce unissais pea de trueps! Urganisazion: Union di Ladins de Gherdëina