Teater “L’alber conta – Le lëgn cunta”

“L’alber conta – Le lëgn cunta” é le titul de n toch de teater ti idioms fascian y badiot, metü a jí

dal’assoziaziun teatrala “I Bontemponi” de Pozza de Fascia deboriada cun Simon Kostner.

Tema dl teater é le bosch, tl contest dla tempesta “Vaia” y di danns che ara á fat te nosc raiun:

sön na plaza de na siëia dales perts de Balsan, olache al vëgn condüt adalerch i lëgns tomá por

le gran vënt dl 29 de otober 2018, se incunta n pëc coiü sö tla Val de Fascia (David Dorich) y n

lersc che vëgn dala Val Badia (Simon Kostner). Deperpo che ai aspeta de gní tuc a cunt dales

siëies, se barati jö recorc, conscideraziuns y comënc sura chël che ai á odü te sües lunges vites.

La finalité de chësc proiet é de jí do deboriada cun le publich ai ultims 150 agn de nosta storia,

cun la particolarité che ara vëgn conscidrada dal punt de odüda dl bosch, che fej pert da tres

dl’identité y cosciënza dla popolaziun de nostes vals, y á tan na gran importanza por süa vita y

economia.

Al é preodü indöt 7 rapresentaziuns tles 5 valades ladines dles Dolomites, ti mëisc de setëmber

y otober 2020.

VIC E AC - L'ÈLBER CONTA (2020).

L nef spetacol de I Bontemponi de Sèn Jan l'é a la leta sun nosc canal YouTube. Vardane sù!

1^ pèrt - https://youtu.be/9ZoZDxeETQs 2^ pèrt - https://youtu.be/XSNXMuvoS7Y